Abuzonte seksualisht me vajzën e tij, vihet në pranga babai 57-vjeçar

Një 57-vjeçar, i divorcuar, është prangosur nga policia pasi akuzohet se ka abuzuar seksualisht vajzën e tij 24- vjeçare.

57-vjeçari Ramazan Rroko me origjinë nga Lushnja, banonte së bashku me vajzën e tij 24-vjeçare prej 1 muaji në një shtëpi me qira në fshatin Dërmish, Bashkia Finiq.

Kanë qenë banorët e fshatit ata të cilët kanë vënë re veprime të dyshimta dhe kanë raportuar në Polici. Pas fillimit të investigimit nga ana e Policisë, 25-vjeçarja ka denoncuar se babai i saj abuzonte vazhdimisht seksualisht ndaj saj.

Sipas informacioneve, e reja ishte rritur në shtëpinë e fëmijës në Durrës, ku ishte dërguar pas divorcit të prindërve.

Materialet në ngarkim të 57-vjeçarit u referuan në Prokurorinë e Sarandës për veprime të mëtejshme.

Njoftimi i policisë:

Shërbimet e Komisariatit të Policisë Sarandë bënë ndalimin e shtetasit R. Rr., 57 vjeç, për veprën penale “Marrëdhënie seksuale ose homoseksuale me persona në gjini ose nën kujdestari”, pasi ka kallëzuar vajza e tij 24 vjeçe, se ky shtetas ka kryer marrëdhënie seksuale me të, në banesën e tyre.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

LEXONI GJITHASHTU:

• Federata spanjolle i kërkon zyrtarisht dorëheqjen Rubiales, protesta në Madrid
• Kurti takon Lajçak: Në shtator vazhdimi i dialogut të nivelit të lartë