Delja e zezë mes deleve të bardha, pulovra ikonë e Lady D në ankand

Pulovra ikonë e Princeshë Dianës është tashmë në ankand.

Princesha e veshi për herë të parë pak pasi u fejua me Princin Charles në vitin 1981.

Pulovra  është e zbukuruar me një dele të vetme të zezë e cila qëndron mes një tufe me dele të bardha.

Në atë kohë mediat spekuluan se Diana po dërgonte një mesazh për ndjenjat e saj si një anëtare e re e familjes mbretërore. Diana shpejt u shndërrua një ikonë stili dhe një nga vajzat më të fotografuara në botë. E zbuluar rastësisht ne muajin mars në një magazinë pas rreth 40 vitesh, pulovra e Lady Dianës është dizajnuar nga marka britanike Warm & Wonderful.

Pulovra  do të dalë në shitje online nga shtëpia e ankandeve Sotheby’s nga data 31 gusht deri më 14 shtator. Çmimi minimal i tij është vendosur të jetë më shumë se 50.000 euro.

Ajo do  të shfaqet edhe në ekspozitën e Sotheby’s në Nju Jork nga data 7 deri më 13 shtator

Veshjet e tjera që i përkasin Dianës janë shitur për shuma gjashtëshifrore.

LEXONI GJITHASHTU:

• Kontestohet mbreti Charles, monarku pritet me vërshëllima në katedralen e Edinburgut
• Publikohen fotot zyrtare të mbretit Charles III dhe mbretëreshës Camilla