Presionet e Serbisë në Malin e Zi/ Gazetari: Kërkojnë më shumë përfshirje në qeveri

Gazetari Gjokë Dukaj ishte këtë të mërkurë i ftuar në një intervistë për Euronews Albania për të folur rreth zhvillimeve të fundit në Malin e Zi.

Ai tha se presionet nga ana e Serbisë janë të shumta në Malin e Zi, por deri më tani Milojko Spajiç, kreu i Lëvizjes Europa Tani, po i bën rezistencë të gjitha presioneve dhe ka vendosur theksin e përbërjes së qeverisë së re, në bllokun e pakicave të Malit të Zi.

“Është e njohur se presionet nga Beogradi janë të vazhdueshme. Në vazhdimësi ato janë të pranishme këtu sidomos me rastin e formimit të pushtetit ekzekutiv në Malin e Zi, pasi partitë e bllokut pro serb, pretendojnë të jenë sa më të përfshira në qeverinë e Malit të Zi, por siç duket mandatari Spajic duket se po i reziston gjithë atyre dhe theksin kryesor në përbërjen në qeverisë së ardhshme e ka në bllokun e pakicave në Malin e Zi.

Sipas të gjitha gjasave pakicat do jenë të përfaqësuara me 11 deputetë. Presionet nga Beogradi dihet që janë në vazhdimësi. Në anën tjetër duhet të merret parasysh se subjektet politike të ish-frontit demokratik, fushatën parazgjedhore e kanë filluar me temën lidhur me Kosovën , duke pretenduar se do të shfuqizojnë njohjen e Kosovës në një komunë këtu”,-tha Gjokë Dedaj.

LEXONI GJITHASHTU:

• Nusja amerikane: Kur u martova lutesha të mos kisha vjehrrën në shtëpi
• “Buka e bardhë rrezik për diabetin”, eksperti ushqimor: Ka më shumë sheqer