Psikologu i policisë: Bullizohen ata nxënës që refuzojnë grupin e drogës

Elidon Shehu, psikolog në policinë e shtetit është shprehur se 40 të mitur janë të proceduar penalisht për shkak se janë kapur duke shpërndarë drogë.

I ftuar në emisionin “Good Morning Albanians” në Euronews Albania, ai theksoi  se një fenonem shqetësues është dhe bullizmi që sipas tij bullizohen ato nxënës që refuzojnë grupin e drogës.

Ai shtoi se kjo është një arsye kryesore që fëmijët të bëhen pjesë e këtij grupi e më pas të merren me shpërndarjen e drogës.

“40 të mitur janë të proceduar për shpërndarjen e drogës në shkolla.  Një nga arsyet është  aventura që përdorin me shoqërinë. Fenomen shqetësues kemi bullizmin, pra nëse ky i ri nuk futet në këtë grup që konsumon lënë narkotike apo cigare, do të fillojë të bullizohet, pra nuk pranohet. Dashur pa dashur këto persona tërhiqen nga këto grupe. Një minoren merr 1 mijë lekë të vjetra për një qese që e ndan”- tha ai.

LEXONI GJITHASHTU: 

• Rusia dënon planet e SHBA për të furnizuar Kievin me armë që përmbajnë uranium
• NATO-ja thotë se situata në Kosovë është ende shumë e paqëndrueshme