Abuzuan me tenderin e shëndetësisë, GJKKO kalon për gjykim dosjen ndaj 2 zyrtareve

Gjykata e Posaçme kundër Korrupsionit dhe Krimit të Organizuar kalon për gjykim dosjen në ngarkim të ish-sekretares së përgjithshme të ministrisë së Shëndetësisë Joana Duro, specialisten Laura Shteto, biznesmenin Vladimir Topi dhe inxhinierin Silvi Shehi.

Gjykata iu ka pranuar kërkesat për gjykim të shkurtuar të 4 të dyshuarve.

Gjatë seancë, Joana Duro ka kërkuar rikualifikim të veprës penale, nga korrupsion të funksionarëve të lartë shtetëror në korrupsion të funksionarëve publik, por gjykata e ka rrëzuar kërkesën e saj.

Kujtojmë se sekretarja e Shëndetësisë Joana Duro mori ryshfet 330 mijë lekë për të favorizuar kompaninë  ‘DRICONS’ në një tender të hapur nga Ministria për rikonstruksionin e qendrave shëndetësore në Tiranë dhe Durrës.

Dy ish-zyrtaret akuzohen për veprat penale “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Korrupsioni aktiv i funksionarëve të lartë shtetërorë ose të zgjedhurve vendorë”.

Ndërsa ndaj Vladimir Topit dhe inxhinierit të kompanisë së tij rëndon akuza për veprën penale “Korrupsioni aktiv i funksionarëve të lartë shtetërorë ose të zgjedhurve vendorë”, në bashkëpunim.

LEXONI GJITHASHTU:

• Spahiu: Opozita është peng i Ramës, për dosjet penale e dy liderëve të saj
• Lita: SPAK ka 702 dosje me emra të medhenj, ndryshimet në qeveri sasiore