Rrëzohet kërkesa e Lefter Allës, ish-kryebashkiaku qëndron në burg

Gjykata e Lartë nuk e ka pranuar rekursin për ndryshimin e masës së sigurisë “arrest me burg” për Lefter Allën.

Ish-kryebashkiaku i Bulqizës do të vijojë të qëndrojë në burg.

Pak ditë më parë, SPAK çoi për gjykim dosjen e tij dhe të 12 zyrtarëve të tjerë.

Arrestimi i tyre u bë në mars të këtij viti pasi akuzohen se kanë favorizuar të afërmin e Allës, Aqif Koneshën, i cili ka kryer punimet e ujësjellësit të ri.

Bëhet fjalë për tenderin “Ndërtimi rrjetit furnizimit dhe rrjetit shpërndarës Ujësjellësi dhe në Lagjen e vjetër të qyteti të Bulqizë me vlerë rreth 3 mln euro, me afat kohor 10 mujor.

Ish- kryebashkiaku Alla dhe ish-nënkryetarja Lleshi rëndojnë akuzat për veprat penale “Shkelja e barazisë së pjesëmarrësve në tendera apo ankande publike” dhe “Shpërdorimi i detyrës”.

LEXONI GJITHASHTU:

• SPAK dërgon për gjykim dosjen e ish-kryetarit të Bashkisë së Bulqizës, Lefter Alla
• SPAK mbyll hetimet për Lefter Allën, zyrtarisht i pandehur për tenderin 3 mln euro