SPAK mbyll hetimet për Lefter Allën, zyrtarisht i pandehur për tenderin 3 mln euro

Prokuroria e Posaçme kundër Korrupsionit dhe Krimit të Organizuar ka mbyllur hetimet për ish-kryebashkiakun Lefter Alla dhe 12 personat e tjerë.

Ish-kryebashkiaku i Bulqizës Lefter Alla është marrë zyrtarisht i pandehur.

Arrestimi i tyre u bë në mars të këtij viti pasi akuzohen se kanë favorizuar të afërmin e Allës, Aqif Koneshën, i cili ka kryer punimet e ujësjellësit të ri.

Bëhet fjalë për tenderin “Ndërtimi rrjetit furnizimit dhe rrjetit shpërndarës Ujësjellësi dhe në Lagjen e vjetër të qyteti të Bulqizë me vlerë rreth 3 mln euro, me afat kohor 10 mujor.

Ish- kryebashkiaku Alla dhe ish-nënkryetarja Lleshi rëndojnë akuzat për veprat penale “Shkelja e barazisë së pjesëmarrësve në tendera apo ankande publike” dhe “Shpërdorimi i detyrës”.

Ndërsa ndaj të afërmit të Allës, Aqif Konesha  edhe dy administratorëtRasim Daci dhe Kastriot Ibrahimaj rëndon akuza për veprën penale “Falsifikimit të dokumentave”.

LEXONI GJITHASHTU:

• Lefter Alla në gjyq: Sulm politik! Po ta dija që do më arrestonin nuk do rikandidoja
• Arben Ahmetaj merret zyrtarisht i pandehur nga SPAK, tre akuzat e ngritura