Lufta në Ukrainë/Rama flet si kryeministër i Shqipërisë në KS: Të mbajmë përgjegjësi

Kreu i qeverisë Edi Rama i cili po drejton dhe Këshillin e Sigurimit, mbajti fjalën dhe në cilësinë e kryeministrit të Shqipërisë.

Menjëherë pas përfundimit të fjalës së presidentit ukrainas Volodymyr Zelensky, Rama tha se bota sot ka nevojë për një ndjenjë përgjegjësie nga të gjithë në mënyrë që të përballen me sfidat e kërcënimet që po përballet planeti.

“Faleminderit Zelenski dhe tashmë do bëjë deklaratë si kryeministër i Shqipërisë. Faleminderit të gjithëve që jeni këtu. Prania e një numri kaq të konsiderueshëm personalitetesh flet vetë për rëndësinë mjaft të madhe që ka kjo çështje që po diskutohet.  Presidenti Zelenski jam mirënjohës për praninë tuaj këtu, në një moment kaq tragjik të vendit tuaj. Fjalët tuaj përkthejnë  dhimbjen e bashkë-atdhetarëve tuaj dhe përcjellin kurajon e popullit tuaj e shpresën e patjetërsueshme të kombit tuaj. Ndërkohë që bota sot ka nevojë për një ndjenjë të mprehtë përgjegjësie prej të gjithëve ne për t’u përballur me sfida e kërcënime që përballet planeti ynë. Një agresion në zemër të Europës nuk mund të jetë  vetëm problemi i Europës siç disa mendojnë apo përsërisin. Disa mendojnë se ky është një problem që i ka rënë për hise perëndimit demokratik që të merret me të. Një agresion duhet të jetë për të gjithë”-tha Edi Rama.

LEXONI GJITHASHTU:

• Përfaqësuesi rus në KS kërcënon Shqipërinë: Presidenca juaj do përballet me pasoja
• Rama në KS: Shqipëria është vend i vogël, por s’e lejon shpërblimin e agresorit