Inceneratori i Elbasanit| SPAK jep pretencën, kërkohen 10 vite burg për Lefter Kokën

Gjykata e Posaçme do të shpallë më 5 tetor ora 13:00 vendimin për inceneratorin e Elbasanit.

Ish-ministri i Mjedisit, Lefter Koka ka dorëzuar në gjykatë një raport për gjendjen e tij shëndetësore që nuk është e mirë, në mënyrë që gjykata ta ketë parasysh.

Ditën e sotme ishte mbrojtja e Albtek Energy sh.p.k., avokatët e së cilës pretenduan se nuk ka kryer korrupsion për shkak se janë paguar punonjësit dhe inceneratori është ndërtuar. Avokati i kompanisë ka theksuar se është cenuar parimi i gjësë së gjykuar, për shkak të vendimit nga Gjykata e Elbasanit qe e ka pushuar çështjen.

Për ish-ministrin e Mjedisit, Lefter Koka është kërkuar 10 vite burg, që me gjykimin e shkurtuar shkojnë në 6 vite e 8 muaj.

Lefter Koka u arrestua më 14 dhjetor me urdhër të SPAK. Ndaj tij janë 2 masa ‘arrest me burg’, për inceneratorin e Elbasanit dhe atë te Fierit.

SPAK pretendon se Koka ka përfituar përmes ryshfetit 5 milionë eurosh për ndërtimin e 2 inceneratorëve.

Ndërkohë për të përfshirët e tjerë në aferën e inceneratorit të Elbasanit SPAK ka kërkuar:

• Alqi Bllako: 4 vite burg (2 vite e 8 muaj prej gjykimit të shkurtuar)
• Mirel Mërtiri: 10 vite burg (6 vite e 8 muaj prej gjykimit të shkurtuar)
• Stela Gugallja: 7 vite burg (4 vite e 8 muaj prej gjykimit të shkurtuar)
• Klodjan Zoto: 10 vite burg (6 vite e 8 muaj prej gjykimit të shkurtuar)
• Pëllumb Abeshi: 4 vite burg (2 vite e 8 muaj prej gjykimit të shkurtuar)
• Jonida Zeqo: 4 vite burg (2 vite e 8 muaj prej gjykimit të shkurtuar)

LEXONI GJITHASHTU:

• Lefter Koka kërkon pafajësi në gjyq: Bëni drejtësi, ose do jem viktima e radhës
• Arrestohet kryebashkiaku i Budvës, pjesë e bandës që trafikoi 4 ton kokainë