Këtë të mërkurë është mbajtur seanca për çështjen e incenreatorit të fierit. I pranishëm në sallën e gjyqit ishte vetë ish-ministri i mjedisit, Lefter Loka.

Koka para gjykatës është shprehur se akuzohet për tre akuza absurde dhe pa fakte.

“Kam menduar se këto akuza nuk do ta kalonin fazën e seancës paraprake. Unë akuzohem për tre akuza totalisht absurde, akuzohen për fakte penale. Nuk e kisha imagjinuar që do dilja para gjykates pasi një perfaqesues i prokurorisë fsheh faktet. Sot dal para jush me dy pretenca me nga 10 vite. Kjo strukture e posaçma është kalaja e çdo shqiptari për të marrë drejtësi. Unë hyra në politikë si biznesmen  dhe nuk më bëri politika biznesmen. Kjo akuzë është ngritur në formën e tallavas. Po diskutoja me një nga të pandehurit dhe më tha që prokuroria ka kërkuar për të 4 vite burg, i thashë shyqyr që s’të ka njohur monika se të kishte bërë grup me Lefter Kokën. Kërkoë drejtësi të pa ndikuar nga politika dhe opinioni në të kundërtën unë do të jem viktima e radhës. Pagesat dhe ndërtimi inceneratorit kanë filluar në 2018 unë jam larguar si ministër më 2017.

Shpronësimi i tokës është njohur i ligjshëm me vendim të formës së prerë të gjykatës administrative  statusi i është ndryshuar nga këshilli bashkiak fier para se vendimi të vinte në këshillin e ministrave.

Gjykohem dy herë për të njëjtën gjë. Akuza është thjeshtë kopje e proçesit analog të elbasanit.

Relacioni administratorit të caktuar nga gjykata provon pafajësinë time”- tha ai.

Në seancën e konkluzioneve të mbrojtjes ai tha se kërkon drejtësi ndërsa akuzoi Ilir Metën dhe Monika Kryemadhin si autorët e kallëzimit penal të bërë ndaj tij.

“Akuza bazohet në mendime personale të fallxhores, jo në prova. Kriter themelor i procesit penal.

Të  besosh tek çifti famëkeq është njësoj si të investosh tek sudja dhe rrapushi në ditët e fundit të falimentit.

Kjo çështje kërkon drejtësi!  Drejtësia është vetëm një e pa ndikuar në interesa, e pa ndikuar nga akuza e pa ndikuar nga opinioni. Përndryshe unë do të jem viktima e radhës e kjo padrejtësi mund të bjerë mbi këdo.

Kjo strukturë nuk është kala ku ju të bërë bashkë duhet ta mbroni por është kala e çdo shqiptari për të marrë drejtësi.

Nuk do të rresht së kërkuari deri në frymën e fundit, jo vetëm në këtë gjykatë të provojë pafajësinë time. Me prova e fakte të provoj fajësinë e atyre që më hoqën lirinë në mënyrë brutale duke më arrestuar e më pas duke sajuar prova të turpshme.

Meqënëse nuk u provua asnjë shumë e përfituar, asnjë llogari bankare , asnjë aset i shtuar që nga viti 2010, prokurorët menduan të më akuzojnë për pastrim dhe të sekuestrojnë prona të përftuara që në vitin 2000.

Që nga viti 2003 kur mora edhe detyrën e kryetarit të bashkisë durrës, kam qenë subjekt i deklarimit të pasurisë dhe pronat që disponoj janë fryt i punës time të ndershme dhe jo i ryshfeteve, as i trafiqeve, as i prostitucionit e as i të qenit aksioner anonim në shoqëri ndërtimi, e për të atillë më njeh durrësi qyteti im e më gjerë.

Do ngushëllohesha në izolim në qoftëse kallëzimin do e kishte bërë çdokush tjetër shqiptar, por të bëhet nga ai çift famëkeq është e trishtë, e të besosh tek ata është si të investosh tek sudja e rrapushi në ditët e fundit të falimentit.

Ndaj dua sot para jush të kërkoj drejtësi dhe drejtësia është vetëm një, e pa ndikuar nga interesa, e pa ndikuar nga akuza, e pa ndikuar nga opinioni pasi përndryshe një drejtësi e tillë rrit pasigurinë, humbet besimin e opinionit e unë do të jem viktima e radhës duke mos harruar se ajo padrejtësi mund të bjerë mbi këdo.”- shtoi mes tjerash ai.

LEXONI GJITHASHTU: 

• Shqipëria niset drejt Çekisë/ Atmosferë pozitive në prag të sfidës
• Video e rëndë| Ekuipazhi i anijes në Greqi shtyn pasagjerin në det, vdes 36-vjeçari