Frika se Asocacioni çon në Republikë Sërpska, Hovenier: SHBA nuk e lejon të ndodhë

Ambasadori i Shteteve të Bashkuara të Amerikës në Kosovë, Jeffrey Hovenier, ka deklaruar këtë të mërkurë se Kosova duhet të avancojë me krijimin e Asocacionit të komunave me shumicë serbe.

Në një intervistë për Evropën e Lirë, Hovenier apeloi që si Serbia dhe Kosova të zbatojnë detyrimet e dialogut dhe të bashkëpunojnë me ndërmjetësuesit e Bashkimit Evropian.

“Nuk e di se si Shtetet e Bashkuara mund ta ndryshojnë mbështetjen e tyre për Kosovën në lidhje me përkushtimin tonë ndaj popullit të Kosovës dhe idesë së Kosovës si një shtet sovran, i pavarur, demokratik multietnik…

Ne shpenzojmë kaq shumë kohë dhe përpjekje për të avancuar këtë vizion që Kosova të jetë ajo që është, një shtet me madhësi të vogël ose të mesme i Ballkanit Perëndimor që është plotësisht i integruar në strukturat evropiane dhe euroatlantike.

Vizioni ynë për një Evropë ‘të plotë, të lirë, dhe në paqe’ nuk mund të realizohet pa qenë pjesë e kësaj edhe Kosova. Dhe për këtë arsye ne kemi bërë kaq shumë përpjekje. Kështu e shohim ne”, tha ambasadori amerikan.

I pyetur mbi rrezikun e krijimit të një Republika Sërpska përmes Asocacionit dhe se cilat janë garancitë qëkjo mos të ndodhë, ai tha: “Besoj se duhet të ketë një lloj besimi te SHBA-të dhe zotimet që ne kemi bërë se nuk do ta lejojmë që kjo të ndodhë”.

LEXONI GJITHASHTU:

• SHBA kundër Kurtit, Escobar: Lajçak nuk largohet, i thashë Osmanit dënoni sulmet
• Akuzat e Kurtit ndaj Lajçak, SHBA i del në mbrojtje BE. Mesazhi i Hovenier