Tentuan të transportonin emigrantë të paligjshëm drejt Tiranës, arrestohen 2 persona

Vijojnë goditjet e policisë së juglindjes për rastet e transportimit të emigrantëve të paligjshëm drejt Tiranës. Burime bëjnë me dije se janë arrestuar 2 shtetas, nga qyteti i Vlorës, të cilët kanë tentuar të çojnë drejt Tiranës më tepër se 20 emigrantë të paligjshëm.

Arrestimi i tyre u bë ditën e djeshme ndërsa vijojnë kontrollet pasi duket se ka rritje të numrit të shtetasve të cilët merren me këtë aktivitet të paligjshëm.

Sipas informacioneve, ata janë kapur në një fshat të Maliqit, me mjet tip fugon, aty ku u janë konstatuar edhe emigrantët e paligjshëm.

LEXONI GJITHASHTU:

• Shtyhet gjyqi për “Gërdecin”, SPAK kërkon dëshmitar Shkëlzen Berishën
• Vuçiç sulmon Perëndimin në OKB, akuzon Kurtin për dhunën në Veri