EMRI| Dyshohet se rrjedhin nga krimi, sekuestrohen pasuritë 1 mln € të 29-vjeçarit

Gjykata e Tiranës ka vënë nën sekuestro preventive pasuritë e paluajtshme në ngarkim të shtetasit Ervis Hysa, 29 vjeç dhe të familjarëve të tij.

Konkretisht u bë sekuestrimi i pasurive të paluajtshme, vlera e të cilave arrin rreth 1 milion euro:

9 garazhe në zonën e ish-Fushës së Aviacionit, 1 ndërtesë në Paskuqan, 1 apartament në Yzberisht dhe 2 automjete.

Nga veprimet hetimore dyshohet se pasuritë e sekuestruara e kanë burimin nga veprimtaritë kriminale të kryera nga shtetasi Ervis Hysa, të cilin Gjykata e Apelit për Krimet e Rënda Tiranë e ka dënuar me 1 vit e 4 muaj burgim, për veprën penale “Shtrëngimi me anë të kanosjes ose dhunës për dhënien e pasurisë”.

LEXONI GJITHASHTU:

• Makina, apartamente e parkime, sekuestrohen pasuritë e “Zotit të drogës” në Durrës
• Megaoperacioni “FOKUS”, 12 të arrestuar, sekuestrohen 17000 bimë kanabis gjatë javës