Ermonela Jaho, leksione në TKOB| Sopranoja rikthehet në Tiranë

Ylli ndërkombëtar Ermonela Jaho vjen në Shqipëri për të ndarë përvojën e saj me brezat e rinj.

Në konferencën për shtyp për masterclass-et që do të zhvillohen në Teatrin Kombëtar të Operës dhe Baletit Jaho shprehet me optimizën dhe modesti se këto masterclass-e janë një bashkëpunim mes saj dhe brezave të rinj me veçantin që secili prej tyre ka.

“Arti i këndimit është kaq personal sepse instrumentin e kemi në trup, janë sensacione, dhe secili prej nesh ka sensacione të ndryshme dhe unë si profesioniste kam mësuar shumë nga gabimet e mia, dhe duke pasur në mendje këto gjëra përpiqem t’ia jap këngëtarëve të rinj. Që nuk ka problem edhe të gabosh,’ – u shpreh Jaho.

“Ky është më tepër një bashkëpunim, sepse edhe unë mësoj jashtë mase prej tyre, sepse kthehem studente. Edhe unë i kam hequr ato momente të vështira, gjera të paqarta, ato dyshime që njeriu ka dhe përpiqem eksperiencën time ta jap po duke bashkëpunuar së bashku,” – shtoi ajo.

Përgjatë 8 orëve në ditë të rinj të moshës 22-30 vjeç nga Shqipëria, Parisi, Serbia, Prizreni, Verona, Prishtina dhe Ulqini do të mësojnë mbi teknikën fizike të këndimit, asaj të interpretimit e këndimit, përgatitjes psikologjike të repertorit dhe ndërtimit të një roli.

Pjesëmarrësit efektiv janë trajnuar nga maestro Davide Dellisanti, i ardhur nga Italia për të përgatitur këta kandidatë fitues me një masterclass, dhe për të punuar me Ermonela Jahon.

Masterclass-i me Ermonela Jahon që fton muzikantët e rinj të përqafojnë shpirtin e operës dhe të bëhen tregimtar të vërtetë përmes muzikës ofrohet pa pagesë dhe pjesëmarrësit do të pajisen me një certifikatë pjesëmarrjeje.

LEXONI GJITHASHTU:

• Soprano shqiptare Arlinda Morava rikthehet në qytetin e origjinës, artistja në Korçë
• Mrekullitë e kardinalit shqiptar, si shëroi kancerin në fyt të sopranos