Kapen 244 bimë kanabisi, procedohen kryeplaku dhe punonjësi i shërbimit pyjor

Një rast i kultivimit të bimëve narkotike, është goditur nga policia e Himarës në fshatin Shënvasil, të Lukovës.

Policia bën me dije se në lidhje me rastin janë proceduar penalisht  kryeplaku i fshatit dhe një punonjës i shërbimit pyjor në këtë zonë, për shpërdorim detyre.

244 bimë të dyshuara narkotike cannabis sativa,  u asgjësuan me anë të djegies, ndërkohë që vijon puna për identifikimin dhe kapjen e autorit apo autorëve të kultivimit të bimëve narkotike.

“Në vijim të punës për parandalimin, evidentimin dhe goditjen e veprimtarive kriminale në fushën e narkotikëve, shërbimet e Komisariatit të Policisë Himarë, si rezultat i kontrollit të imtësishëm të territorit, në fshatin Shënvasil, Lukovë, në një sipërfaqe toke, kanë gjetur të kultivuara 244 bimë të dyshuara narkotike cannabis sativa, të cilat u asgjësuan me anë të djegies.

Në vijim të veprimeve hetimore u referuan materialet në Prokurori dhe nisi procedimi në gjendje të lirë për shtetasit A. R., 21 vjeç, me detyrë detyrë punonjës i shërbimit pyjor dhe i kullotave, bashkia Himarë, dhe K. V., 63 vjeç, me detyrë kryetar i fshatit Shënvasil, për veprën penale “Shpërdorimi i detyrës”, njofton policia.

LEXONI GJITHASHTU:

• I shpallur në kërkim për shitje narkotikësh, arrestohet 19-vjeçari në Tiranë
• 3 kilogramë lëndë narkotike gati për shpërndarje| Goditet grupi, 8 në pranga