Deputetja britanike mbron Kosovën: Pse nuk ka ende masa për Serbinë

Deputetja britanike Alicia Kearns ka kritikuar ashpër ndërkombëtarët për qëndrimin që janë duke mbajtur në raport me cështjen e Kosovës.

Përmes një postimi në platformën “X” ajo thotë se pavarësisht fakteve që implikojnë Serbinë si agresore ndaj Kosovës, ndaj saj nuk është marrë ende asnjë masë sanksionuese.

“Radoiçiç mbetet i lirë në Serbi. Ende nuk ka masa për Beogradin nga Britania e Madhe, SHBA, BE, pavarësisht vrasjes së oficerit të policisë, armatosjes së paraushtarakëve, rrëmbimit të policëve, as rolit në plagosjen e rëndë të trupave të NATO-s. Megjithatë, Kosova mbetet nën sanksionet e BE-së. Diplomaci parandaluese?”, tha Kearns.

Kjo nuk është hera e parë që Kearns reagon dhe kërkon që të mbahet një qëndrim i drejtë ndaj Kosovës, duke bërë  përgjegjse Serbinë edhe për konfliket e mëparshme.

LEXONI GJITHASHTU: 

• Europa mblidhet në Spanjë, Rama: E rëndë që Serbia shpalli 3 ditë zie për sulmuesit
• Osmani: Do kërkoj mbështetje nga BE dhe aleatët për ndëshkimin e sulmit
• Gjenerali Isufi viziton policin e plagosur: Qëndroi si shkëmb përballë terroristëve