Ministrat europianë takohen për të shpëtuar Paktin Nuklear me Iranin

Ministrat e Jashtëm europian pritet të bisedojnë për krizën iraniane në një takim emergjent në Bruksel gjatë së premtes, pasi presidenti amerikan Donald Trump iu bëri thirrje aleatëve të “distancohen” nga Pakti Nuklear i 2015-s.

Bashkimi Europian ka thënë se “nuk do t’i  kursejë përpjekjet” për të shpëtuar “Planin e Përbashkët të Ndërveprimit” (JCPOA), i cili synon parandalimin e zhvillimit të armëve bërthamore nga Irani.

Pas vrasjes së gjeneralit të lartë Iranian nga një sulm ajror amerikan, Irani shpalli se do nuk do t’i respektojë më kufizimet e vendosura mbi numrin e centrifugave që mund të përdorë për të pasuruar uraniumin.

Teherani gjithashtu u kundërpërgjigj duke sulmuar një bazë ushtarake amerikane në Irak me raketë, që shkaktoi dëme të shumta materiale por jo viktima.

“Dialogu nuk mund të jetë kurrë i tepërt”

Presidentja e Komisionit Europian Ursula von der Leyen tha se Josep Borrell, shefi i Punëve të Jashtme, do të vazhdojë bisedimet anëtarët e kësaj marrëveshje, me shpresën se Pakti mund të shpëtohet, pavarësisht tërheqjes së Shteteve të Bashkuara si dhe Teheranit.

“Përdorimi i armëve duhet të marrë fund për t’i dhënë hapësirë dialogut”, tha ajo të mërkurën. “Ne jemi thirrur për të bërë gjithçka që është e mundur për të rihapur bisedimet. Dialogu nuk është kurrë i tepërt”

[twitter_feed=https://twitter.com/vonderleyen/status/1214826355570987009]

Borrell ka ftuar Zarif në Bruksel për të biseduar, por data zyrtare e vizitës nuk është caktuar ende.