Guterres: Thellësisht i shqetësuar për rrethimin e Gazës nga Izraeli

Palestinezët që jetojnë në Rripin e Gazës janë përgatitur për atë që shumë besojnë se do të jetë një sulm masiv tokësor i Izraelit për të mposhtur Hamasin dhe për të liruar pengjet.

“Dhuna e fundit nuk vjen në vakum. Realiteti është që dhuna është rritur gjatë konfliktit të hershëm, me pushtimin 56-vjeçar dhe pa një zgjidhje politike në horizont”, tha shefi i OKB-së.

“Përderisa njohim shqetësimet legjitime të sigurisë që ka Izraeli, unë ia kujtoj Izraelit se operacionet ushtarake duhet të bëhen duke respektuar ligjin humanitar ndërkombëtar”, shtoi ai.

Pas sulmit të nisur nga militantët e Hamasit nga toka, ajri dhe deti, Izraeli ka deklaruar se mbi 700 persona janë vrarë, ndërkaq nga sulmet izraelite në Gaza është raportuar për 560 të vrarë.

“I pranoj ankesat legjitime të popullit palestinez. Por, asgjë nuk mund të justifikojë këto akte të terrorit, vrasjet dhe rrëmbimet e civilëve”.

Grupi militant nisi sulmin në orët e para të së shtunës, duke sulmuar bazat ushtarake, duke hapur zjarr ndaj civilëve dhe duke rrëmbyer afër 100 persona.

Që atëherë, konflikti është përshkallëzuar dhe të hënën Izraeli premtoi se do të bllokojë dërgesat për në Rripin e Gazës. Guterres tha se OKB-ja do të vazhdojë të ofrojë ndihmë për banorët në Gaza.

LEXONI GJITHASHTU:

• Arrestimi i zyrtarit të lartë të policisë, Balla: Vetë-pastrimi është proces kyç
• Trajneri i Çekisë komenton atmosferën: Lojtarët të motivohen plotësisht