Studentët në protestë: S’u mbajtën premtimet, bursën nuk e përfitojnë të gjithë

Studentët e 4 prej degëve prioritare, në Universitetin e Historisë dhe Filologjisë, kanë dalë në protestë me pretendimin se qeveria i ka mashtruar, me nënshkrimin e kontratës, në të cilën u premtohej paga minimale prej 400 mijë lekësh të vjetra.

Sipas tyre, kjo shifër jo vetëm është reduktuar, por ajo u jepet vetëm atyre me mesatare të lartë. Maturantët që do të studionin në këto në programe prioritare do të mbështeteshin financiarisht gjatë gjithë viteve akademike por me kusht që pas diplomimit të punojnë tre vite në Shqipëri.

“Ne kemi vendosur të protestojmë për arsyen e kushteve që nuk janë mbajtur në fillim. Ne na është thënë që studentët pavarësisht mesatares për degët që vlerësohen si prioritare do të marrin 40 mijë lekë të reja, por kjo nuk është dhënë. Studentët pretendojnë se paga do ju jepet nëse kanë mesatare mbi 9.5 qe shumica thonë nuk e kanë, do duhet që njëjtë si mjekësia të qëndrojmë 6 vite pas studimeve te mos kenë mundësi të marrin diplomën. Nga këto 6 vite, vetëm për 3 ju mundësohet punë,” – u shpreh një nga studentët.

Studentët thonë se është e vështirë ruajta e një mesatareje prej 9.5, pasi nëse do e kishin një të tillë nuk do ishin regjistruar në këto degë prioritare.

“Është shumë e vështirë që të kesh një mesatare 9.5 shumë pak nxënës mund ta kenë. kërkojmë që të mbahen premtimet. ndoshta shumica nuk do ishin regjistruar në degë prioritare,” – tha një vajzë.

Studentët kanë bojkotuar orët, ndërkohë që ditën e mërkurë do t’i bashkohen protestave të studentëve të mjekësisë, pasi siç ata shprehen, kauza është e njëjtë.

LEXONI GJITHASHTU:

• Jo vetëm Mjekësia, studentët e Filologjikut paraljmërojnë protestë kundër kontratës
• “Bojkoti s’na penalizon në studime”, studenti: Patëm ndërprerje edhe gjatë COVID