“Bojkoti s’na penalizon në studime”, studenti: Patëm ndërprerje edhe gjatë COVID

Zini Veleshnja, student mjekësie, tha në një intervistë për Euronews Albania se studentët e mjekësisë janë të vendosur t’i shkojnë në fund nismë së tyre, që siç nënvijëzoi lidhte me të ardhmen e tyre.

Ai tregoi se bojkoti i mësimit nga ana e tyre do të vijojë ndërsa theksoi se bojkoti nuk do t’i penalizojë këta studentë nga mësimet, pasi një ndërprerje të ngjashme kanë pasur edhe në kohë e COVID.

“Protesta jonë është çështje thelbësore, lidhet me vazhdimësinë e një karriere për të cilën kemi investuar për vite me radhë. Protesta do vazhdojë deri në pezullimin e ligjit, asnjë student s’e mendon tërheqjen. Rruga ligjore shpresojmë t’i japë zgjidhje kësaj çështjeje me depozitimin e padisë në Gjykatën Kushtetuese. Sakrifica do ketë gjithmonë kur bëhet fjalë për një gjë shumë më të madhe. S’e besoj se rrezikohet viti akademik. Praktikisht sado të zgjasë ky bojkot, ka pasur raste si situata e tërmetit dhe gjatë COVID kur procesi mësimor është pezulluar me muaj të tërë dhe programi mësimor është rregulluar në mënyrë të tillë që të mbyllet me vitin akademik”, tha studenti.

LEXONI GJITHASHTU:

• “Kemi 4 muaj që e mbajmë gjallë protestën”, studenti i mjekësisë: Nuk do përçahemi
• Studentët e mjekësisë në protestë, marshojnë drejt Ministrisë së Arsimit