Deputetët e PD-së braktisin Komisionin e Ekonomisë: Nuk i pranojmë rregullat e PS-së

Komisioni për Ekonominë dhe Financat është përfshirë në debat, ku deputetët e opozitës, kanë denoncuar sjelljen arbitrare dhe antikushtetuese të mazhorancës në parlament.

Deputetët Edmond Spaho dhe Bujar Leskaj thanë se, në shkelje të çdo norme, mazhoranca ka eleminuar opozitën duke i asgjësuar çdo hapësirë.

“Në 33 vjet, nuk ka ndodhur asnjëherë, pavarësisht nga përplasjet mes mazhorancës dhe opozitës, të arrihet deri në pikën ku mazhoranca të përcaktoje kush është opozita. Nuk më habit Edi Rama, se ai kështu është, por më habit sjellja e kolegëve të mazhorancës”,-tha Edmond Spaho.

“Po flasim për probleme fondamentale. E drejta e opozitës për t’u përfaqësuar në Kuvend.  Refuzoni të përfaqësoni opozitën në Komisioinin e Reformës Zgjedhore. Ne nuk do të pranojmë rregullat tuaja, por rregullat e demokracisë”, -i shpreh Bujar Leskaj.

Refuzimi i Deputetëve të mazhorancës për të reflektuar, i detyroi deputetët demokratë të braktisin mbledhjen e komisionit.

LEXONI GJITHASHTU:

• Begaj dënon sulmin në Veri: Negociatorët duhet të kenë një qasje te re të dialogut
• Gjendet pa jetë një 60-vjeçar në afërsi të kufirit, detajet e para