Fitore dhe kualifikim për Anglinë, Italia ‘e pafuqishme’ në Wembley

Anglia është kualifikuar mes spektaklit për në kampionatin evropian, ndërsa ka fituar në Ëembley ndaj Italisë me rezultatin 3-1. Luanët nuk e patën aspak të vështirë, me skuadrën axurre që problemet e jashtme po i pasqyron në fushën e lojës. Edhe pse kaluan të parët në avantazh me Scammacan, italianët pësuan 3 gola në vijim. Kane me 11 metërsh solli barazpeshën, më pas Rashford kaloi për herë të parë Anglinë në avantazh.

Në minutën e 77’ një eurogol i Harry Kane vulosi triumfin për Anglinë, që shkon kështu në kuotën e 16 pikëve. Fitore regjistroi dhe Ukrainë, që tanimë ngjitet e dyta në grup, duke parakaluar Italinë e Spalletit. Slovenia ka marrë vendin e parë në grupin H, pas fitores në transfertën e Irlandës së Veriut me rezultat minimal. Pas tyre renditet menjëherë Danimarka që mposhti San Marinon, ndërsa deri më tani asnjëra nuk e ka të sigurt vendin në Euro 2024.

Në grupin G sfida Serbi-Mali i Zi u shoqërua me tensione e dhunë në shkallët e stadiumit, me vendësit të cilët arritën të fitojnë pas një 90 minutëshi tejet pozitiv.  Dy gola të Mitrovic dhe 1 i Tadic, sollën autokritikën e serbëve. Në të njëjtin grup, Hungaria bazaroi në transfertë me Lituaninë 2-2 edhe pse vendësit arritë ntë shënonin dy gola të shpejtë, por pa mundur të ruanin rezultatin e merrnin 3 pikë.

LEXONI GJITHASHTU:

• ‘Wembley’ pret Angli-Itali, fitorja është detyrim për axurrët
• Anglia refuzon kalimin direkt në fazën e grupeve të Euro 2028