Tiranë/Qëlloi burrin me thikën e bukës, gruaja shtatzënë procedohet e lirë

Një krim në familje është regjistruar në zonën e Kombinatit një ditë më parë, ku bashkëjetuesja ka qëlluar me thikën e bukës burrin e saj, Erald Tosku pas një konflikti në banesë.

Fillimisht gruaja është konfliktuar me burrin për motive të dobëta dhe më pas e ka qëlluar me thikë.

Tosku është transportuar në siptal dhe ndodhet jashtë rrezikut për jetën.

Policia ka shoqëruar në komisariatin nr.6 autoren e krimit ku edhe i ka marrë deklaratën, por nuk e kanë arrestuar sepse kishte fëmijën 1 vjeç dhe është shtatzënë 6 muajshe.

Prokurori për këto arsye nuk ka pranuar ta arrestojnë, por të procedohet në gjendje të lirë.

Njoftimi i policisë:

Specialistët për Hetimin e Krimeve të Komisariatit të Policisë Nr. 6 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, ku filloi procedimi penal në gjendje të lirë për shtetasen M. Sh., 24 vjeçe, banuese në Unazë të Re. 24-vjeçarja, ditën e djeshme, gjatë një konflikti, ka goditur me mjet prerës bashkëshortin e saj, i cili si pasojë është dëmtuar dhe ndodhet në spital, nën kujdesin e mjekëve.

LEXONI GJITHASHTU:

• Bardhi: Nuk respektohet opozita, zero argument për moslejimin e komisioneve hetimore
• “Gruaja duhet të vendosë sa fëmijë do kenë, burrat janë dytësorë”- flet sociologia