Posteri i ri në PD/ Baçi: S’bën përshtypje, opozita s’po i bën qytetarët ta ndjekin

Gazetari Agim Baçi ishte këtë të premte i ftuar në Euronews Albania ku foli për situatën brenda Partisë Demokratike. Ai tha se tashmë opozita nuk mund të ngrejë qytetarët në një lëvizje të fortë kundër qeverisë.

Ndër të tjerat ai komentoi edhe posterin e vendosur në selinë e Partisë Demokratike ku duket kryeministri Rama dhe kryebashkiaku Veliaj nën shkrimin “ata vjedhin”, Baçi tha se kjo nuk po bën më përshtypje, ndërsa pyetja që duhet të ngrihet është përse nuk ka reagim.

“Pyetja është a bën më përshtypje kur themi ata vjedhin. Pyetja është pse nuk reagojmë. Pse shqiptarët sot, apo pse opozita nuk arrin dot të kthejë në një lëvizje të fortë, në një  reagim të fortë këtë lloj realiteti që është përballë kësaj qeverie. Dje ishte një reagim i deputetëve  në parlament, por mendoj se qëllimi final është që të bësh qytetarët të të ndjekin në këtë lloj procesi.

Kështu që gjithçka që mund të bësh aty dhe nuk përkthehet në mbështetje qytetare mbetet një lëvizje politike që riorganizon jetën në opozitë por nuk arrin dot në një destinacion tjetër. Ky është një moment shumë kyç pasi Parlamenti në një mënyrë flagrante po refuzon të zbatojë kushtetutën, pasi mjafton që 35 deputetë mjafton të firmosin për një grup hetimor dhe duke qenë se nuk kemi të bëjmë me një republikë parlamentare”,-tha Agim Baçi.

LEXONI GJITHASHTU:

• Opozita në grevë urie? Noka: Kanë tentuar që të na përjashtojnë me sms e Ramës
• Shpërdorim detyre e korrupsion, SPAK çon në gjyq 5 persona, mes tyre dy policë