Dokumenti i SPAK, akuzat zyrtare të ngritura për Berishën dhe Malltezin

Euronews Albania ka sigurar dokumentin zyrtar të SPAK për akuzat e ngritura ndaj Sali Berishës, dhëndrit të tij Jamarbër Malltezi dhe sipërmarrësit Fatmir Bektashi në lidhje me përfshirjen në çështjen “Partizani”.

Konkretisht:

Sali Berisha akuzohet për “Korrupsion pasiv i funskionarëve të lartë ose të zgjedhurve vendorë kryer në bashkëpunim, parashikuar nga neni 260 dhe 25 i K.Penal”.

Jamarbër Malltezi akuzohet për “Korrupsion pasiv ne bashkëpunim Neni 260 dhe Pastrim i Produkteve në bashkëpunim me Fatmir Bekteshin, parashikuar neni 287 i K.Penal;

Fatmir Bekteshi akuzohet për “Korrupsion aktiv dhe pastrim produktesh ne bashkëpunim me J.M”.

Për Sali Berishën është vendosur masa e sigurisë detyrim paraqitje, ndërsa dhëndri i tij, Jamarbër Malltezi është arrestuar për privatizimin e ish-kompleksit Partizani. Në pranga ka rënë gjithashtu trashëgimtari i truallit dhe ndërtuesi Bekteshi.

Kallëzimi është bërë nga ministri i Brendshëm, Taulant Balla, në lidhje me procedurat e ndjekura për privatizimin e pronës shtetërore “Klubi Sportiv Partizani” Tiranë. SPAK ka dy vite që ndjek hetimet.

Privatizimi i ish-kompleksit Partizani filloi në vitin 2008 dhe përfundoi në katër vite më vonë, në vitin 2012.

LEXONI GJITHASHTU:

• Ku i gjeti milionat Malltezi që ndërtoi kompleksin? Përgjigjet Berisha
• A ke frikë nga burgu? Berisha: I përgatitur për çdo gjë, do qëndroj me gjithë forcën