Ku i gjeti milionat Malltezi që ndërtoi kompleksin? Përgjigjet Berisha

Ish-kryeministri Sali Berisha mbajti mbrëmjen e kësaj të shtune një konference të jashtëzakonshme për media pas dhënies së masës së sigurisë “detyrim paraqitje”, dhe arrestimit të dhëndrit të tij Jamarbër Malltezi.

Akuzat për pastrim parash ndaj Malltezit janë ngritur për miliona euro që ky i fundit i ka investuar për të ndërtuar kullat që janë ngritur në pronën e tij. I pyetur nga gazetarët se ku janë gjetur këto para, Berisha u përgjigj se bëhet fjalë për ripërsëritje të gënjeshtrave të fabrikuara nga SPAK që siç e quan ai është SKAP.

“Çdo gjë, çdo metër katror i ndërtuar, çdo qindarkë e përdorur është e dokumentuar. Nuk jam unë tani që të hyj në këto, por atë që mund të them unë është se çdo gjë është e dokumentuar, çdo qindarkë është paguar taksa, çdo lëvizje është bërë vetëm me bankë. Është ndërtimi më i pastër dhe më transpartent,” – u shpreh Berisha.

LEXONI GJITHASHTU:

• A ke frikë nga burgu? Berisha: I përgatitur për çdo gjë, do qëndroj me gjithë forcën
• Arrestimi i dhëndrit/Berisha: Nga truall ndërtimi në terren sportiv ka firmosur Rama