“Donin të më helmonin”, lihet në burg 36-vjeçari që sulmoi 2 persona me hanxhar

Jonis Mazllem, i cili vetëm tre ditë më parë ka plagosur me hanxhar dy persona në afërsi të pazarit të vjetër të Korçës, është lënë në burg nga gjykata e Korçës deri në përfundim të hetimeve.

Avokati mbrojtës i ka kërkuar gjykatës shtrimin e tij ne spitalin psikiatrik të Elbasanit, pasi klienti i mbrojtur prej tij ka probleme të shëndetit mendor, kërkesë e cila nuk është pranuar nga gjykata.

36-vjeçari Jonis Mallzem është shprehur në seancën e masës së sigurisë së të plagosurit prej tij e kanë përndjekur për ta helmuar për shkak të një pasurie të madhe që ka të trashëguar nga gjyshi i tij. Gjithmonë sipas të dyshuarit për plagosje të rëndë me dashje, ai ka treguar se prej 10 ditësh nuk konsumonte ushqim nga frika e helmimit.

Të njëjtën gjë ka paraqitur për gjyqtarin e çështjes edhe avokati i 36-vjeçarit, çka tregon sipas tij se klienti i tij ka probleme të thella të shëndetit mendor.

Vetëm dy ditë më parë zyrtarisht nga ana e qendrës së shëndetit mendor në Korçë është bërë me dije se Jonis Mazllem nuk është i kartelizuar si person me probleme të shëndetit mendor pranë kësaj qendre.

LEXONI GJITHASHTU:

• Coptoi bashkëshortin me hanxhar dhe e hodhi në kanal, jepet dënimi për shqiptaren
• VIDEO| Sherr masiv në Pogradec, qytetari sulet me hanxhar në prani të policisë