Serbia siguron 2 milionë vaksina, Vuçiç: Shmangëm 1 mijë viktima

Serbia është një nga vendet evropiane që ka ritmin më të lartë të vaksinimit të qytetarëve kundër COVID-19.

Presidenti, Aleksandër Vuçiç deklaroi sot se në Beograd kanë mbërritur 50 mijë doza të vaksinës ruse “Sputnik V”, ndërsa më shumë doza të “Pfizer” dhe “AstraZeneca” do ë mbërrijnë deri në fund të shkurtit.

“Këtë mëngjes, 50 mijë doza ruse të Sputnik V mbërritën, dhe 50 mijë doza të tjera do të vijnë pas dy javësh për dozën e dytë ndërsa deri në fund të shkurtit dhe 88 mijë doza të tjera të Pfizer kurse deri më 20 shkurt do të vijnë deri në 150 mijë vaksina të AstraZeneca”, tha Vuçiç.

Presidenti serb deklaron se vendi i tij do të jetë i pari për numër popullsie të vaksinuar kundër coronavirus.

Sipas tij, dhe 500 mijë doza nga vaksina kineze do të mbërrijnë në Beograd më 10 shkurt duke bërë që deri në fund të shkurtit Serbia të ketë marrë në total 2 milionë vaksina të mjaftueshme për 1 milion persona.

Vuçiç tha se nëse nuk do të ishin treguar të shpejtë në  negociata me Kinën dhe Rusinë, atëherë Serbia mund të kishte dhe 1 mijë persona të tjerë të vdekur nga  COVID-19, ndërsa theksoi se vendi i tij nuk ka marrë ende asnjë vaksinë nga programi COVAX.

“Mund ë kishim 1 mijë të vdekur të tjerë nëse nuk do të siguronim vaksina në një rrugë tjetër dhe deri tani ia kemi dalë që të sigurojmë më shumë në të gjithë Evropën”, tha ai.

Duke i konsideruar si miq të Serbisë, Vuçiç falënderoi presidentin e Kinës, Xi Jinping dhe presidentin e Rusisë, Vladimir Putin për mbështetjen e ofruar