Manastirliu: Vaksinat e radhës nga kompania Pfizer do të vijnë më 15 shkurt

“Vaksinat e radhës nga kompania Pfizer do të vijnë më 15 shkurt”.

Kështu deklaroi ministrja e Shëndetësisë dhe Mbrojtjes Sociale, Ogerta Manastirliu gjatë konferencës së Komitetit të Ekspertëve lidhur më procesin e vaksinimit.

“Qeveria shqiptare ka siguruar përmes kontrantimi qoftë me Pfizer, qoftë me Covax, vaksina për 800 mijë qytetarë shqiptare, ku përshihen ato kategori të riskut të përcaktuar nga ekspertët tanë të vaksinimit”, u shpreh ajo më tej.

Ndërkohë në konferencën e sotme, Manastirliu publikoi edhe masat e reja për situatën e COVID.

Ministrja komunikoi se nga data 11 shkurt e deri më 25 shkurt do të kufizohet lëvizja nga ora 20:00-6:00 si dhe në këtë fashë orari do të kufizohet edhe aktiviteti i bareve dhe restoranteve.

Mësimi do të vijojë online në shkollat e mesme në bashkitë Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz.

Sakaq, do të zgjatet sezoni i provimeve për universitetet për të siguruar kombinimin e provimeve online dhe në auditor.

Lexoni gjithashtu:

”77% e kapaciteteve në spitalet COVID janë të zëna”, Fico tregon situatën epidemiologjike në vend

Masat anti-Covid, zgjatet kufizimi i lëvizjeve, në 10 bashki gjimnazet kalojnë me mësim online