Epidemia globale e vetmisë/ Raporti: 1 në 4 persona ndihet i vetmuar

1 në 4  persona në të gjithë botën, ndihen mjaft ose shumë të vetmuar. Sondazhi i fundit i realizuar nga Gallup në 142 vende, ku përfshihet edhe Shqipëria zbuloi se 24% e njerëzve të moshës 15 vjeç e lart ndihen  shumë të vetmuar.

“Njeriu i vetmuar përjeton disa çrregullime të natyrës së mërzisë, trishtimit, depresionit. Ka mjaft raste ku  vetmia e çon deri në një përshpejtim të fundit të jetës”,-tha Entela Binjaku psikologe.

Sondazhi zbuloi gjithashtu se shkalla e vetmisë ishte më e lartë tek të rinjtë, me 27% të rinjve të moshës 19 deri në 29 vjeç që raportuan se ndiheshin shumë ose mjaft të vetmuar.

“Mendoj se kjo rritje e vetmisë ka ardhur si rezultat i pasigurisë në vendin e punës, pamundësisë për të mbajtur, apo për të vendosur raporte të mira e të qëndrueshme në vendin e punës, sigurisht impulsiviteti i moshës të bën më fluid dhe të rinjtë i kanë më të vështira marrëdhëniet shoqërore, që t’i mbajnë”, tha psikologia Entela Binjaku.

 Edhe pse shumë thirrje për të reduktuar vetminë janë të përqendruara tek të moshuarit është parë që shumica e atyre të moshës 45 vjeç e lart nuk ndihen aspak të vetmuar.

LEXONI GJITHASHTU:

• Gazetari zbulon skenarin e ri të Berishës: Po nis rrugën për foltoret e dyta
• Deputetja britanike takon familjen Bunjaku: Radoiçiç e Beogradi të mbahen përgjegjës