“Të fortët e Vlorës kanë kërcënuar vajzën”, Hoxha: Vihet re dembelizmi i policisë

Kreu i Rithemelimit të Vlorës, Artid Hoxha tha në një intervistë për Euronews Albania se ata që cilësohen si të fortët e Vlorës, kanë kërcënuar vajzën e përdhunuar në këtë qytet nga një grup djemsh.

Sipas tij kjo ngjarje ka shënjuar Vlorën, ndërsa theksoi se familjarët e djemve që kanë abuzuar me 26-vjeçares janë përpjekur ta mbulojnë krimin.

“Po mos të ishte për gazetarët, kjo ngjarje do të mbetej e izoluar, për mos të thënë që nuk do përmendej fare. E imagjinoni në çfarë gjendje do ishte 26-vjeçarja nëse kjo ngjarje dhe denoncimi që ajo do të kishte bërë ndaj atyre të rinjve nuk do të merrej fare në trajtim as nga organet e Policisë së Shtetit dhe as nga organet hetuese të Prokurorisë së Rrethit Gjyqësor Vlorë, megjithatë këtu dua të ritheksoj përsëri dembelizmin e organeve ligjzbatuese përsa i përket procedurave që duhet të kishin kryer në momentin e ardhjes së denoncimit nga kjo 26-vjeçare,” – u shpreh Hoxha.

LEXONI GJITHASHTU:

• “Motra e përdhunuesit punon në bashki”, gazetarja: Kërkon t’i heqim foton e vëllait
• Vëllai i vajzës së përdhunuar në Vlorë: I është bërë ekspertiza pas 5 ditësh