Zgjedhjet e 25 prillit, PS depoziton në KQZ kërkesën për t’u regjistruar si parti

Partia Socialiste ka depozituar në KQZ, kërkesën për t’u regjistruar si parti në zgjedhjet e 25 prillit.

Kërkesa e Partisë Socialiste mban firmën e Sekretarit për Organizimin dhe Koordinimin Elektoral, Arben Pëllumbi.

Subjektet politike kanë të drejtë deri në 15 shkurt të dorëzojnë në KQZ kërkesën për t’u regjistruar si parti.

Pas depozitimit të kërkesave duhet që të mblidhet ky institucion dhe t’i shqyrtojë ato. 

Javën e kaluar KQZ miratoi 10 parti për zgjedhjet e 25 prillit dhe 2 kandidatëve të pavarur ju dha të drejtën për të mbledhur firmat.

Ndërkohë sot pasdite në orën 17:00 është parashikuar një mbledhje e KQZ-së, ku do të diskutohet edhe për regjistrimet e partive që kanë depozituar kërkesat.

Një ditë më parë dorëzoi në Komisionit Qendror të Zgjedhjeve kërkesën për regjistrim edhe Partia Socialdemokrate (PSD) e Tom Doshit.

Ndërkohë ambasadorja e Shteteve të Bashkuara të Amerikës, Yuri Kim u ka bërë thirrje partive politike, që në listat e kandidatëve për zgjedhjet e 25 prillit të mos kenë persona të inkriminuar.

Lexoni gjithashtu:

Tom Doshi kërkon regjistrimin e PSD-së në zgjedhje

Pesë vjet nga Dekriminalizimi, politika ende flirton me të inkriminuarit për vota

‘Mesazhi amerikan’ për kandidimin e Doshit, kryeministri Rama shmang pyetjen e gazetares së Euronews Albania