Aktivitetet artistike rijetëzojnë muzeun e Luftës së Ftohtë në Gjirokastër

Muzeu i Luftës së Ftohtë në Gjirokastër tashmë po shërben edhe si mjedis për organizimin e aktiviteteve artistike, të cilat bazohen mbi simbolikën që ai përcjell.

Ditën e martë tre të rinj gjimnazist sollën në mjediset e ish-vendstrehimit prej betoni, pjesën teatrale “Letra nga lufta”. Shfaqja e regjisores Lejda Çeli përcolli pasazhe nga vepra të ndryshme letrare me mesazhin “Stop luftës”.

“Për të përmbyllur  Muajin e Letërsisë, Bashkia Gjirokastër  organizon një aktivitet gjatë të cilit kemi përzgjedhur  nga vepra të ndryshme, pjesë të ndryshme të cilat flasin për luftën, ndjesitë e njerëzve që kanë përjetuar luftën, kemi vendosur të bashkojmë letërsinë, historinë dhe kulturën e qytetit tonë në këtë aktivitet,” – tha ajo.

“Sot kemi zhvilluar një aktivitet në të cilin do të flasim për luftën pasi edhe në ditët e sotme kemi shumë luftra që po zhvillohen.  E para është që ne përcjellim një mesazh “ Stop luftës !” dhe ne kemi pjesë të cilat do të flasim si ne e përjetojmë,” – u shpreh aktorja Megi Baxha.

Tashmë Muzeu i Luftës së Ftohtë është një prej pikave më të vizituara në Gjirokastër ndërsa organizimet artistike po shërbejnë për rijetëzimin e mjediseve të tij dhe tërheqjen e turistëve, kryesisht të huaj.

LEXONI GJITHASHTU:

• Muzeu i Maria Callas| Jeta artistike e ‘La Divina’, i hapur për publikun në Athinë
• U mor peng nga militantët e Hamasit, gjendet me kokën e prerë artistja gjermane