“O Xhemal, na vrave, mos qëllo”- Pamje nga përplasje fizike në parlament

Seanca plenare e kësaj të enjteve ka rikthyer përplasjet fizike në Kuvendin e Shqipërisë.

Euronews Albania ka siguruar një video në nisje të seancës plenare, ku deputeti socialist Xhemal Qefalia përplaset fizikisht me deputetët e PD, Xhelal Mziu dhe Edmond Spaho.

Ligjvënësit demokratë teksa tentuan t’i merrnin karrigen socialistit, të cilën nuk e lejoi. Qefalia shtyhet fillimisht me Xhelal Mziun. Ndërkohë që teksa largohet ai përplaset fizikisht dhe me deputetin Edmond Spaho

Në video dëgjohet deputetja e Partisë Demokratike, Ina Zhupa, e cila i kërkon deputetit socialist të mos qëllojë.

“Na vrave o Xhemal, mos qëllo”- dëgjohet të thotë Zhupa.

Deputetët e PD-së bllokuan me karrige foltoren e Kuvendit. Në kushtet e krijuara kryeparlamentarja Nikolla anuloi interpelancën e planifikuar mes ministrit të Mbrojtjes Niko Peleshi dhe deputetit Nasip Naço.

Nën tymuese të ndezura në sallë, maxhoranca miratoi të gjitha projektligjet në axhendë dhe mbylli seancën.

LEXONI GJITHASHTU:

• Mbyllet seanca mes tymit e karrigeve të përmbysura, mazhoranca miraton projektligjet
• Kaos në Kuvend, deputetët demokratë përmbysin karriget. Garda rrethon godinën