Boria më e vjetër në botë, u punua në guaskën e një kërmilli deti, afro 18.000 vite më parë

Kjo është boria guaskë më e vjetër në Tokë, e zbuluar në një shpellë franceze në vitin 1931.

U krijua afro 18,000 vite më parë si një instrument muzikor.

Modifikimet janë kryer në guaskën e kërmillit, ku edhe është hapur një vrimë, për të krijuar instrumentin frymor.

Shenjat e kuqe përputhen me modelet e gjetura në murin e shpellës.

 “Fuqia e tingullit të prodhuar nga kjo guaskë është e pabesueshme. Është më shumë se 100 decibel. Nëse e imagjinoni këtë lloj muzike brenda një shpelle të vogël, si një korridor, mund të imagjinoni shumë për ndjesinë që njerëzit kishin, kur dikush luante muzikë për ta,” – tha kreu i Laboratorit në Universitetin e Sorbonës, Philippe Walter.

Kur instrumenti 31 cm i gjatë u zbulua në Pirenejtë francezë 90 vite më parë, mendohej se ishte një kupë që përdorej për të pirë në raste ceremoniale.

Por gjatë një kontrolli të inventarit në muzeun e historisë natyrore në Tuluzë, hulumtuesit zbuluan detaje të pazakonta te kjo guaskë, ndaj edhe e ri-studiuan.

Arkeologët thonë se njerëzit parahistorikë me gjasa janë zhvendosur ose kanë përdorur rrjete të shkëmbimit për të shtënë në dorë një guaskë të tillë, pasi deti është 200 kilometra larg.