Ngordhja masive e elefantëve afrikanë, shkencëtarët zbulojnë misterin

Shkaku i ngordhjeve masive misterioze të elefantëve afrikanë më në fund është zbuluar.

Zyrtarët dhe ekspertët fillimisht nuk arrinin të shpjegonin vdekjet, por gjuetia pa leje, helmimi dhe thatësira u cilësuan si shkaqet kryesore që mund të kishin sjellë humbjet mes kafshëve.

Rezulton se një infeksion bakterial vrau elefantët, sipas hulumtimit të bazuar në mostrat e marra nga 15 prej elefantëve që ngordhën në Zimbabve.

Një analizë, e botuar më 25 tetor në revistën Nature Communications, tregoi prova të infeksionit nga një bakter jo shumë i njohur, i quajtur ‘45 Bisgaard’ që shkaktoi helmim gjaku.

Vdekjet ndodhën pasi burimet ushqimore dhe ujore u pakësuan gjatë sezonit të thatë, duke i detyruar elefantët të udhëtonin në distanca më të mëdha për të kërkuar ujë dhe për të gjetur ushqim.

35 elefantë afrikanë në Zimbabve veriperëndimore ngordhën në rrethana rrëqethëse midis fundit të gushtit dhe nëntorit të vitit 2020. 11 nga kafshët e mëdha ngordhën brenda një periudhe 24-orëshe.

Më herët po atë vit, rreth 350 elefantë në Botsvanën veriore fqinje kishin vdekur gjithashtu në mënyrë të papritur gjatë tre muajve.

LEXONI GJITHASHTU:

• Organizata tajlandeze: Shëtitja me elefantë turistikë është abuzim me kafshët 
• VIDEO/ Shoferi nuk e priti të kalonte rrugën, elefanti sulmon dhe përmbys kamionin