Nxorën fëmijët për të lypur, nën hetim dy gra në Elbasan

Një hetim në gjendje të lirë ka nisur për dy gra në Elbasan që akuzohen se kanë nxjerrë për të lypur fëmijët e tyre të mitur.

Akuza që rëndon mbi to është ajo e keqtrajtimit të të miturit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Njoftimi i policisë:

Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë për shtetaset V. Z., 34 vjeçe dhe I. A., 41 vjeçe, të dyja banuese në Elbasan, për veprën penale “Keqtrajtimi i të miturit”, pasi dyshohet se kanë nxjerrë për të lypur, fëmijët e tyre të moshave 11 vjeç dhe 12 vjeç.

LEXONI GJITHASHTU:

• Prokuroria e Elbasanit nis hetimet  ndaj kompanisë Kurum për ndotjen e ajrit
• Bosnja nuk ka nisur hetimet për pretendimet se Radoiçiç ka siguruar armë nga Tuzlla