Shoqërohet në polici edukatorja që dhunoi fëmijën në kopshtin privat

Edukatorja Majlinda Dehima e cila dyshohet se dhunoi fëmijën në kopshtin privat është shoqëruar në komisariatin nr.1.

Policia ka sekuestruar kamerat e sigurisë brenda kopshtit për të pwrcaktuar mwnyrwn se si vajzws i është thyer këmba brenda kopshtit.

Ngjarja ka ndodhur në datën 1 nëntor në kopshtin privat “Stinët” në rrugën “Kushtrimi i lirisë”.

Ende nuk është e qartë se si ka ndodhur ngjarja e rëndë, por nga pamjet filmike të sekuestruara pas denoncimit të familjarëve, është vërejtur dhuna që kjo edukatore ka ushtruar ndaj të miturës me një vizore.

Në disa media është publikuar dhe video kur edukatorja në fjalë, gjuan 3-vjeçaren dhe kjo e fundit mban këmbën me dorë.

E mitura është transportuar në spital pas orës 15:00, i është nënshtruar një ndërhyrje urgjente pasi thyerja ishte në gradë të rëndë dhe këmbën aktualisht e ka në allçi.

Rasti është bërë publik në media edhe pasi policia nuk ka marrë asnjë masë tjetër përveç sekuestrimit të kamerave, ndërsa mjekët nga ana tjetër nuk kanë referuar asnjë material.

LEXONI GJITHASHTU:

• Theu këmbën gjatë qëndrimit në kopsht, kush është edukatorja që dhunoi 3-vjeçaren
• Dhuna në jetimoren e Sarandës, e mitura: Edukatorja më goditi me shkop