Java e Kulturës Hungareze/ Koncert simfonik në Durrës, muzikë klasike dhe popullore

Adam Lovassy, i ngarkuari me punë në ambasadën e Hungarisë në Tiranë, dha nga Durrësi një lajm të mirë.

 “Vitin e ardhshëm, vendi im merr kryesinë e Bashkimit Evropian, dhe ndër prioritetet e presidencës hungareze është anëtarësimi i Shqipërisë me të drejta të plota në BE”,–tha Adam Lovassy, i ngarkuari me punë në Ambasadën e Hungarisë, Tiranë.

Ai ishte në Qendrën Kulturore “Aleksandër Moisiu”, ku ndoqi nga afër koncertin simfonik të veprave të kompozitorit të famshëm Franz Liszt.

Ky koncert përmbylli mbrëmjen e së hënës Javën e Kulturës Hungareze.

 “Sot po festojmë jo vetëm javën e kulturës hungareze, por edhe miqësinë me popullin shqiptar. Ne nuk kemi vetëm një histori shumë të pasur mes dy vendeve tona, por edhe një lidhje të fortë miqësie”- tha Adam Lovassy, i ngarkuari me punë në Ambasadën e Hungarisë, Tiranë.

Një ndërthurje e muzikës klasike me atë popullore hungareze, me një të ftuar speciale si pianistja Almira Emiri, një emër shumë i njohur në skenat ndërkombëtare.

Një performacë, që publiku në sallë pati mundësinë ta shijojë për rreth një orë dhe të cilën e shoqëroi me duartrokitje të shumta.

LEXONI GJITHASHTU:

• Rrapi 400-vjeçar në Mallakastër tërheq turistët e huaj, shkak misteri që mbart
• Java e Kulturës Italiane, çelet ekspozita ‘Mbi gjurmët e italianëve në rajon’