Ndërron jetë foshnja e gjetur e braktisur në bodrumin e pallatit

Foshnja e gjetur e braktisur një ditë më parë në bodrumin e një pallati në Yzberisht ka ndërruar jetë. Lajmi është bërë me dije nga ministri i Brendshëm, Taulant Balla.

“Sapo mora një lajm të trishtë nga Drejtori i Spitalit Obstetrik-Gjinekologjik “Koço Gliozheni”, i cili më njoftoi se foshnja e braktisur në zonën e Yzberishtit në Tiranë nuk ia doli dot edhe pse mjekët e spitalit bënë të gjitha përpjekjet. Policia e Shtetit ka identifikuar dhe ka ndaluar nënën që e braktisi pa na dhënë mundësinë ne të gjithëve, agjencive shtetërore, shoqërisë civile ta gjenim në kohë dhe të mund ta shpëtonim. Kjo është një ngjarje e rëndë që kërkon një reflektim dhe masa konkrete nga të gjithë”, shkruan Balla në një postim në Facebook.

Gruaja që foshnjën e saj një ditë më parë ka deklaruar se arsyeja që e ka fshehur shtatzëninë dhe ka braktisur bebin ka qenë sepse nuk ka dashur që të merret vesh nga familjarët e saj, por edhe nga opinioni.

Egljanta Isufi, 30 vjeç është e pamartuar dhe nuk ka fëmijë të tjerë. Ajo e la foshnjën në bodrumin e një pallati në Yzberisht ditën e mërkurë.

 

LEXONI GJITHASHTU:

• Foshnja e braktisur në garazhin e një pallatit në Tiranë, është në gjendje kritike
• Gjendet foshnja e braktisur në bodrumin e pallatit në Yzberisht