Izraelitët protestë në Tiranë: Të lirohen pengjet, ka fëmijë 10 muajsh

Një grup qytetarësh izraelitë kanë zhvilluar këtë të enjte një protestë në sheshin Skënderbej në Tiranë.

Qytetarët shprehën mbështetjen e tyre ndaj Izraelit dhe kërkuan lirimin e pengjeve nga militantët e Hamasit.

Në një intervistë për Euronews Albania, një protestues tha se janë të shqetësuar mbi gjendjen e pengjeve, pasi nuk kanë asnjë informacion ku mbahen njerëzit, dhe as gjendjen e tyre shëndetësore.

“Janë 239 persona që janë marrë peng. Janë fëmijë që 10 muajsh. Njerëzit janë marrë nga krevati i shtëpisë. Deri tani nuk e dimë se ku mbahen. Se dimë se në çfarë gjendje shëndetësore janë të rrëmbyerit. Është situata shumë e rëndë. Jeta në Izrael vazhdon. Unë jetoj për arsye të punës këtu. Akti që është bërë në Izrael është akt terrorist, ndërsa akti që bëhet tek rripi i Gazës është ushtarak. Shpresa është e madhe se pengjet do të lirohen.

Konflikti është i gjatë. Duam paqe mes popujve. Duam që të gjithë të kthehen në shtëpinë e tyre. Di që është marrë një fëmijë 5 muajsh peng”- tha ai.

LEXONI GJITHASHTU: 

• Scholz: KFOR duhet të jetë në pozicion që të reagojë në mënyrë të duhur
• Dhunimi i të miturës në kopsht, Balla: Heshtja e policëve i bën bashkëfajtor