Ekspozita “Paris je T’aime”, Kostandini ‘sjellë’ Parisin në Korçë me punimet e tij

Anastas Kostandini, Piktori i njohur pogradecar ka sjell Parisin në Korçë. Ai ka ekspozuar në 45 veprat e tij të të punuara në kryeqytetin francez. Taso rrëfen se Parisi është qyteti i tij i ëndrrave që kur nisi të vizatojë , kjo edhe për shkak të emrave të mëdhenj të pikturës atje.

 “Parisi ka qenë ëndrra ime që kur kam qenë i ri. Ne kemi jetuar me artin e madh të Parisit, me qytetërimin qe vinte nga ai vend dhe ajo ishte ndjenja e lirisë por ne nuk kishim mundësi kurrë, të shkonim atje e të shihnim pikturë me sy.

Pas demokracisë më është dhënë rasti, e nëpërmjet vajzës mësoj misteret e Parisit. Veç kryeqytetit të vendit tonë, e quaj kryeqytetin e artistëve Parisin. Është një destinacion jo vetëm shpirtëror por edhe human e intelektual”- Anastas Kostandini, piktor.

“Për të treguar që lufta e parë botërore dhe prezenca e Francës këtu me ushtrinë, sigurisht qendra ka qenë në Korçë por gjithë rajoni i juglindjes përfshi këtu dhe Pogradecin, ka qenë territore në administrim të përkohshëm të ushtrisë franceze.  Kam pikturuar dy skena, njëra prej të cilave është ushtria franceze me bandën në Pazarin e Vjetër të Pogradecit duke luajtur Marsejezën. Është situatë paqe, nuk flitet për luftë”-theksoi Kostandini.

Anastas Kostandini është nga piktorët me të njohur në vend e gjatë jetës së tij artistike ka hapur shumë ekspozita, ku gjithmonë vihet re një frymë franceze. “Paris Je T’aime” është ekspozita që ka tërhequr vëmendjen jo vetëm të artdashëve korçare e pogradecarë por e më shumë se kaq.

LEXONI GJITHASHTU: 

• Lufta Izrael-Palestinë, Hasani: Një nënë me 4 fëmijët lënë territorin e Gazës
• Vdekja e Raphael Dwamena/ Skënder Brataj: S’ duhet të ishte lejuar të luante futboll