Vdekja e Raphael Dwamena/ Skënder Brataj: S’ duhet të ishte lejuar të luante futboll

Prokuroria e Durrësit ka marrë sot në pyetje mjeket dhe ka sekuestruar kartelat mjekësore të futbollistit të Egnatias, Dwamena, i cili ndërroi jetë ditën e djeshme. Ndërkohë kreu i Emergjencës Kombëtare, Skënder Brataj thotë se futbollisti nuk duhej të lejohej të luante futboll për shkak të gjendjes shëndetësore.

Vdekja e futbollistit, Raphael Dwamena ditën e shtunë në fushën e futbollit, i ka shokuar të gjithë. bota e futbollit është në zi e ndërkohë për vdekjen e 28 vjecarit, janë ngritur shumë pikëpyetje.

Drejtori i Urgjencën Kombëtare, Skënder Brataj, përmes një postimi në Facebook, shkruan se kjo ishte një vdekje e paralajmëruar. Brataj shkruan se Dwamena, nuk duhet të ishte lejuar të luante futboll.

Për ngjarjen e rëndë prokuroria ka ngritur një hetim, ndërsa me shumë gjasa klubi i Egnatias do të mbajë të hënën në Rrogozhinë homazhet për ndjerin Dwamena.

Për vdekjen e Raphael Dwamena, janë bërë homazhe nga e gjithë bota, përfshirë miq, kolegë, ish-skuadrat që i ka luajtur në herët.

LEXONI GJITHASHTU: 

• Vrasja e Rizajt në Ekuador/ Pazmino: Po zhvillohet operacioni i quajtur “Ballkani”
• Zbulohet tuma në Himarë, monumente befasuese të periudhës së bronzit dhe hekurit