Kapen duke pirë alkool në lokal, e “pësojnë” efektivët e policisë

Dy punonjës të policisë në komisariatin e Peqinit, janë pezulluar nga detyra pasi janë kapur nga kontrollet e Agjencisë së Mbikqyrjes Policore duke konsumuar alkool në një lokal.

AMP bën me dije se efektivët janë pezulluar nga detyra për thyerjen e kodit të etikës.

Ndaj dy efektivëve bëhet me dije se ka nisur fillimi i hetimit disiplinor për shkeljet e kryera.

NJOFTIMI I AMP

Agjencia e Mbikëqyrjes Policore (Rajoni Elbasan-Korçë), në zbatim të Planit të Monitorimit mbi respektimin e normave dhe rregullave të etikës, kanë monitoruar efektivat e Policisë në gjithë rajonin që mbulon.

Janë konstatuar në brendësi të një bar-kafe punonjësit e policisë të Komisariatit të Policisë Peqin, M.Z. dhe G.T., me funksion Ndihmës Specialist të Policimit në Komunitet duke konsumuar pije alkolike, veshur me uniformë të Policisë së Shtetit, në kundërshtim me rregullat e Etikës Policore dhe parashikimet në ligjin “Për Policinë e Shtetit”, duke kryer shkelje të rëndë disiplinore.

Ndaj tyre do të rekomandohet fillimi i hetimit disiplinor pranë Komisionit Disiplinor në AMP

LEXONI GJITHASHTU:

• Koka e ndarë nga trupi, identifikohet viktima e gjetur në Xarrë të Sarandës
• Ekstradohet në Shqipëri Behar Bajri, si u shty udhëtimi me 1 ditë për arsye sigurie