Ndarja nga jeta e Zef Dedës, Nikolla: Humbëm një ndër artistët më të mëdhenj

Kryetarja e Kuvendit, Lindita Nikolla ka shprehur dhimbjen për ndarjen nga jeta të artistit të madh, Zef Deda.

Ajo tha se kultura dhe arti sot humbën një nga humoristët më të shquar dhe se personazhet e tij do të mbahen mend gjatë në komedinë shqiptare.

“Sot kultura shqiptare humbi Artistin e Merituar, Mjeshtrin e Madh, humoristin e shquar, ndër më të mëdhenjtë e Shqipërisë, Zef Dedën. Për rreth gjysmë shekulli, personazhet që solli në skenën dhe komedinë shqiptare Zef Deda janë bërë pjesë e humorit dhe e jetës së shqiptarëve. Me krijimtarinë dhe rolet e tij Zefi është bërë një figurë emblematike dhe alter ego e personazheve të paharruar të humorit shqiptar. U prehsh në paqe, Zef,” – u shpreh Nikolla.

Mjeshtri i madh shkodran, Zef Deda u nda nga jeta këtë të premte në moshën 73-vjeçare.

LEXONI GJITHASHTU:

• Bashkia Shkodër: Zef Deda la pas një rol të pazëvëndësueshëm në skenat shqiptare
• Basha, mesazh ngushëllimi për ndarjen nga jeta të aktorit të madh Zef Deda