Denaj: Mbështesim 65 mijë fermerë përmes skemave që maksimizojnë prodhimin

Ministrja e Bujqësisë dhe Zhvillimit Rural, Anila Denaj, është shprehur se çdo vit ka shtesa fondesh në buxhet.

Komentet Denaj i bëri përmes një lidhjeje në “Euronews Albania”, ku u pyet nëse buxheti i projektuar për vitin 2024 është i duhuri.

Ajo tha se sfida e saj si ministre është që veç tavaneve të buxhetore të ketë edhe financime shtesë, të cilat do të shkojnë aty ku duhet të prodhojnë.

Sipas saj buxheti i planifikuar përbujqësinë kap shifrën 25 milionë euro, ku një pjesë shkon për mbështetjen e 65 mijë fermerëve përmes skemave që maksimizojnë prodhimin.

Pyetje: A është ky buxheti që donit?

“Në projekt afatmesëm është një projekt i njëjtë me atë që është aprovuar si buxhet afatmesëm. Ne flasim me projekte trevjeçare dhe ju e dini që në financë nuk flitet për një vit. Ndërkohë në çdo vit në varësi të prioriteteve ka shtesa fondesh, siç ndodhi edhe në 2023. Pra nëse kërkuan 65 mijë fermerë skemë direkte, të 65 mijtë do e marrin. Unë dua ta ndaj këtë jo thjesht si procedurë, por si një opsion që është duke ndodhur tani dhe që është i hapur edhe për vitet e tjerë, veç tavaneve buxhetore. Kjo është beteja ime si ministre. Nëse ne kemi skema që janë efektive dhe shkojnë aty ku duhet të prodhojnë, besoj se edhe qeveria do i rrisë dhe do japë atë që duhet”, u shpreh Denaj.

LEXONI GJITHASHTU:

• Si ndahet buxheti 2024 për pushtetin lokal, kush janë bashkitë me fondet më të ulëta
• “U harrua çdo gjë!”, Soko: Nga pensionet deri te paketat fiskale, askush nuk foli!
• Buxheti 2024, si ndahen paratë: 105 mln euro për pagat, 73 mln për pensionet