Eksperti i ekonomisë, Pano Soko shpjegoi në një intervistë për Euronews Albania çështjet që ka adresuar buxheti i shtetit i cili u miratua sot. Mes tensioneve në Kuvend u votua dhe për paketën fiskale që përfshin sa taksa do të paguajmë dhe si do të shpenzohen këto para.

Sipas tij është shqetësuese se si qeveria dhe parlamenti asnjëherë nuk i dolën për zot inflacionit.

“Zakonisht buxheti në një shtet normal tenton të mbulojë ato që quhen problematika. Nga pikëpamja sociale janë mosha e tretë, ata që përfitojnë pensione, por jo vetëm pensionet e pleqërisë, por dhe pensione të tjera shtetërore që jepen për shtresa të caktuara, duke përfshirë këtu dhe ndihmën ekonomike dhe pensionin e invaliditetit etj. Ky buxhet do të duhet të ishte kompesues për peshën që inflacioni, pra rritja e çmimeve të produkteve dhe sidomos rritja e çmimit të produkteve ushqimore, që janë ushqimet bazë, do të duhej që të adresohej në këtë buxhet. Pra, ne kemi sot një krizë inflacioniste, që ka goditur familjet, sidomos familjet e varfra. Ne sot për shkak të krizës inflacioniste kemi më shumë taksa që mblidhen pikërisht për shkak të rritjes së çmimit dhe këto janë taksa konsumi që ndihen më tepër të familjet e varfra. Do të duhej që ky buxhet të adresonte këto çmime dhe ky buxhet nuk e bën,” – u shpreh Soko.

LEXONI GJITHASHTU:

• PD bllokon Komisionin e Ekonomisë, socialistët presin mbledhjen online me bakllava
• Inflacioni zbutet, por ekonomia në eurozonë pëson rënie