“Një këngë me fëmijët për festat e nëntorit”, Marinaj flet për projektin e veçantë

Drejtoresha e qendrës artistike “Harmony”, Altina Marinaj ishte këtë të diel e ftuar në Euronews Albania për të folur një projekti shumë të veçantë me fëmijët e kësaj qendre.

Me rastin e festave të nëntorit ata kanë organizuar një video-kartolinë me këngën “Dua më shumë Shqipërinë”. Marinaj foli më tepër rreth këtij projekti duke u shprehur se jo vetëm fëmijët ishin shfaqur entuziast, por edhe prindërit e tyre ishin të gatshëm të ndihmonin në realizimin sa më të bukur të saj.

“Ne dëshironim të krijonim një këngë për festat e  nëntorit. Duke biseduar me stafin u hodh si ide që ne mund të krijonim një këngë e pse jo të fusnim të gjithë fëmijët në këtë projekt.

Është një projekt shumë i bukur dhe e realizuam këngën, gjithashtu edhe videoklipi doli shumë bukur. Fëmijët kanë qenë shumë entuziast, mezi e prisnin, ishin shumë entuziast për këtë projekt të bukur dhe u angazhuan me ta edhe vetë fëmijët”,-tha Altina Marinaj.

LEXONI GJITHASHTU:

• Begaj në Durrës për 111-vjetorin e ngritjes së flamurit: Qyteti i parë i rilindjes
• 100 milionë $ për grurin, Zelensky: Rusia po e përdor urinë si armë