111-vjetori i Pavarësisë, Meta uron shqiptarët: Dita e Flamurit, simbol bashkimi

Kreu i Partisë së Lirisë, Ilir Meta, ka uruar shqiptarët për 111-vjetorin e Pavarësisë së vendit.

Përmes një reagimi në Facebook, Meta është shprehur se dita e Flamurit Kombëtar është dita që bashkon gjithë shqiptarët.

Ai shprehur nderim për themeluesin e shtetit modern shqiptar, Ismail Qemalit.

Reagimi i Metës:

Gëzuar Ditën e Flamurit Kombëtar, simbolit që bashkon të gjithë shqiptarët, Gjergj Kastrioti Skënderbeun dhe Ismail Qemalin, Isa Boletinin dhe Adem Jasharin!

Nderimin më të thellë për Atin e Shqipërisë, themeluesin e shtetit tonë modern, Ismail Bej Vlorës dhe veprës së ndritur të shumë patriotëve të tjerë që përjetësuan 28 Nëntorin e vitit 1912!

Gëzuar Pavarësinë e Shqipërisë!

LEXONI GJITHASHTU:

• Të rinjtë nga Presheva zgjedhin Gjirokastrën për studimet e larta: Njerëz mikpritës
• Kim nga Indonezia “ndez” studion në ditën e pavarësisë, këndon “Mora Fjalë”