Kim nga Indonezia “ndez” studion në ditën e pavarësisë, këndon “Mora Fjalë”

Studenti indonezian që jeton në Shqipëri, Kim Anpas Tohir Maulana, ka nisur ditën në “Good Morning Albanians” në Euronews, ku ka uruar gjithë shqiptarët për 111-vjetorin e pavarësisë.

Gjatë prezencës së tij në studio ai ka kënduar këngë të ndryshme patriotike dhe ka kërcyer me vallet shqiptare.

Një nga këngët e kënduara nga indoneziani ka qenë edhe “himni” i shqiptarisë, “Mora Fjalë”, të cilën e këngoi me shumë saktësi dhe pasion.

Kujtojmë se vendi ynë fitoi 111 vite më parë pavarësinë nga Perandoria Osmane, nga e cila ishte i pushtuar për një periudhë rreth 500-vjeçare.

Ditën e sotme pritet të organizohen një sërë aktivitetesh për këtë ditë, në Vlorë dhe në Tiranë.

LEXONI GJITHASHTU:

• Të rinjtë nga Presheva zgjedhin Gjirokastrën për studimet e larta: Njerëz mikpritës
• Presheva, pjesë e dialogut me Serbinë, Sinani: E rrezikshme të vendoset fati i Luginës pa vullnetin e qytetarëve